Бүгін 28.03.2025ж. мектебімізде ардагерлер мен жас мамандар арасында « Сапалы білім үшін бірге: өткеннің сабақтары — болашаққа « тақырыбында квест ойыны ұйымдастырылды. Мақсаты: Ардагер ұстаздар мен жас мамандар арасындағы қарым-қатынасты нығайту, өзара тәжірибе алмасу, командалық жұмысқа деген ынтымақтастықты арттыру, шығармашылық қабілеттерді дамыту. Ойынның 4 кезеңнен тұрды. 1кезең- Білім сарайы -әр топ белгілі бір пәннен (тарих, әдебиет, география) сұрақтарға жауап берді. Тарихи кезеңдер мен белгілі тұлғаларға қатысты сұрақтар берілді. Дұрыс жауап берген топ келесі кезеңге өтті. ; 2кезең — Тарих көшелері-қатысушылар тарихтың әртүрлі кезеңдерінде қойылған тапсырмаларды орындау арқылы қажетті нұсқауларды алды; 3кезең- Командалық күш — әр топқа бөлек бөлшектер жиынтығы беріледі (мысалы, түрлі түсті картондар, ағаш тақтайшалар, құрылыс материалдары). Олардың міндеті — сол бөлшектерді пайдаланып, өз ойлары бойынша болашақтыңмектебінің макетін құрастыру болды. ; 4кезең — Қазына картасы -бұл қатысушылардың логикалық ойлау, бағдарлау және командалық жұмыс қабілеттерін тексеретін қызықты кезең болды. Топтар картаны пайдаланып, тапсырмаларды орындап, соңында қазынаны тауып, соңғы құпияны шешті. Бұл кезең қатысушылардың бір-біріне көмек көрсету қабілетін шыңдайды және оларға команда ретінде жұмыс істеудің маңызды дағдыларын үйретті. . Ойынға мектептегі барлық жас мамандар белсене ат салысты. Ойын соңында барлық қатысушыларға сертификаттар табысталып, ерекше көзге түскен ойыншылар дипломмен марапатталды.