Ағымдағы жылдың 11 ақпанында Ақтөбе қаласы білім бөлімінің ұйымдастыруымен “Шығармашылық академиясында” жас педагогтарға арналған форум өткізілді. Форумда №27 орта мектеп-лицейінің мұғалімдері Л.Ж.Буркутова мен И.В.Шляхтурова “Оқытудағы Геймификация: цифрлық технологиялар оқуды ойынға қалай айналдырады?” тақырыбында шебер сынып өткізді.
Педагогтарды геймификация тұжырымдамасымен, оның принциптерімен және білім беру үдерісіндегі артықшылықтарымен таныстырды. Форумға қатысушылар ойын элементтерін оқытуға енгізуге көмектесетін joyteka, baamboozle, NewAvatar және Ar технологиялары сияқты сандық құралдар туралы ақпарат алды, сонымен қатар практика жасап, ақпарат бойынша жұмыс жасады. Тәжірибелік бөлімде интерактивті тапсырмалар мен квесттер құру үшін аталған платформалардың мүмкіндіктерін көрсеттті. Жас мамандар үшін жұмыс барысында қолдануға арналған тиімді бағдарлама болды.