2026 жылы «Бір ел – бір кітап» жалпыұлттық акциясы аясында Қазақстанның халық жазушысы Қабдеш Жұмаділовтің «Тағдыр» романы көпшіліктің оқуына ұсынылды. Маңызды тарихи кезеңдерді суреттейтін шығарма ұлттық әдебиетке деген қызығушылықты арттыруды көздейді.
Акция аясында No27 орта мектеп-лицейінің кітапханасында No3 қалалық кітапханамен бірлесіп «Тарих пен тағдыр тоғысқан шығарма» атты пікірталас сағаты өтті.
Шараға 7 «А» сынып оқушылары қатысты. Шара барысында кітапханашы У.А. Қанибулаева «Тағдыр» романында жазушының өмірі мен шығармашылығы, халқының басынан өткен қайғылы тағдыры, сынақтары, махаббаты, тамырға адалдығы туралы әңгімеледі. Басты кейіпкер Демежан Келгенбайұлы – нағыз тарихи тұлға. Жазушы өз өмірі арқылы шекараның екі шетінде қалған тұтас бір халықтың драматургиясын, ұлттық мүдде жолындағы күресін суреттейді.
Жұмыс бойынша викторина өткізілді. Шара соңында кітапханашы «Қабдеш Жұмаділов шығармашылығы» атты кітап көрмесіне шолу жасады.