2025 жылдың 21 қаңтары күні «BILIM QAZYNA» КММ жоспарына сәйкес, «№27 орта мектеп-лицейінде» КММ, бастауыш сынып мұғалімдеріне арналған «Білім беру жүйелеріне тың өзгерістер енгізудің негіздері мен нәтижелері»
тақырыбында қалалық шебер-класының № 8 отырысы өткізілді. Шебер класты №27 орта мектеп-лицейінің ғылыми-әдістемелік жұмысы жөніндегі орынбасары Таңатарова Айнагүл Хайруллақызы ашты. Шебер класс мүшесі, №27 орта мектеп-лицейінің бастауыш сынып мұғалімі Оңайбаева Нұржанат Жылқыбайқызының ұйымдастыруымен «Ертегілер елінде» тақырыпта өз қиялынан туған ертегілерге 3D кітабын өз қолымен құрастыру тәжірибесімен бөлісті. Әл-Фараби ат №21 МГ, №16 ОМ, Ф. Оңғарсынова ат №41 МГ, №13 ОМ бастауыш сыныпи мұғалімдері мен оқушылары ертегі көріністерін сахналады. Сонымен қатар, шеберхана жетекшісі Урынбаева А. М, шебер класс мүшелерінің қатысуымен «Оқу мен оқытудағы белсенді әдістер» атты түрлі әдіс-тәсілдер көрсетілді.