11 қазан күні АӘД оқытушы-ұйымдастырушысы Байбулатов Нурым Шакирович «Жауынгерлік дайындық. Құрылыс қадамы. Қозғалыспен бұрылу. Жауынгерлік және марштық қадамдардағы қозғалыс» тақырыбында қала мектептерінің АӘД мұғалімдерімен өз тәжірибесімен бөлісіп, ашық сабақ өткізді.
Ашық сабаққа 10-сынып оқушылары қатысты.
Сабақтың мақсаты: оқушыларға маршпен орнында бұрылып, қимылдауды үйрету. Қозғалыс кезінде бұрылуды үйрету. Ақылдылықты, қимыл-қозғалыс үйлесімділігін және үлгі боларлық сырт келбетін дамыту. Орнында және қозғалыста бұрылу кезінде командаларды дұрыс және анық орындау дағдысын қалыптастыру.
Жауапкершілік пен патриоттық, өз еліне деген құрмет сезімін қалыптастыруда бұл сабақтың маңызы зор болды, өйткені сабақ барысында оқушылар келесі тақырыптар бойынша өз ойларын ортаға салды:
- Жоғары әскери оқу орындарына түсу
- «Патриот» сөзінің мағынасы
- Патриоттың қасиеттері
- Әскери қызмет туралы оқушылардың пікірлері
- Күнделікті өмірдегі АӘД мақсаты
